السلطان بن السلطان * السلطان مصطفى خان * ابن السلطان أحمد خان غازي * ابن السلطان محمد خان * الذي اكتتب آيات شوكته على صحايف الزمان * حضرتلرينك وزير أعظم معارف انتساب * ووكيل مطق عوارف اكتسابي * أولان ناظم مناظم * وكالت كبرى * دولتلو سعادتلو راغب محمد * پاشا ابن المرحوم شوقي محمد أفندي حضرتلري نباهت زاهرهء فطريه ونبالت باهرهء جبليه سي * مقتضا سنجه دولت عليهء شامخه الشان عثمانيه ده * آرايش ده ديوانخانهء صدارت عظمى اولدقلري كبي * دار السلطنهء فضائل علومده دخى نظام الملك فنون شتّى اولدقلرندن * هر وجهله تركيب طرفه أساليب عواقب أمور * نقشبند روزنامهء شعور پر نورلرى اولمغله * ... قائممقام متولي نصب وعيين بيوردقلري قدوة الأماجد والأعيان مشار إليهك وكيلخر جلقلري خدمتنده أولان الحاج علي أغا زِيْدَ مجدُهُ محضرنده بالدولة والإقبال بو سياق أوزره ديباجه طراز تقرير * وصحيفه پيراي تعبير اولديلركه * هر برى اشترا وابتياع صحت اتباع ايله * سلك ملكمده املاك صحيحه مدن كُتُب نفيسه مك سر لوحهء اعتبارى بر قطعه حُسن خط كلام قديم * ...