المهم جت الساعه 4 العصر وبدا وقت الزياره انا استغربت من شي كل من جاء يزور هالشخص يطلع من عنده ميت من الضحك انا جاني الفضول وقلت وش السالفه وعلى هالحال كل من جاء وسلم عليه ما تسمع الا ضحكهم من ورا الستاير انا قلت لازم اعرف وش السالفه انتهى وقت الزياره وانقز له على طول واتشافا له واقوله الحمد لله على السلامه عسى ماشر وانا كل همي اعرف ليش يضحكون : المهم قلت له:

انا اشوف اللي يجونك ما يرحون من عندك الا و ضحكهم واصل اخر المستشفى .... قال لي : هه ليش عاد أنت حاسدنا على الضحكه ... قلت له : لا يا أخوي والله لو عندك مليون كان يمكن أحسدك! ... بس اضحكوا عادي خذوا راحتكم بس بغيت اعرف السر يعني ... اذا ما عندك مانع .... قال لي : طيب ولا يهمك ...

انت مثل ما تشوفني مكسر ومربط بالشاش .... قلت له : هيه والله ... الله يشفيك ... قال لي : يا طويل العمر انا ساكن في شقه في الدور الثاني ... وعندي بلكونه مامن زينها .... واذا نمت فتحت باب البلكونه .. وطفيت النور ... وتسدحت على السرير ويوم نمت على السرير ... وغصت في اعماق اعماق نومي ... حلمت اني في يوم القيامه ... وحلمت مثل ما تقول ان الناس في مكان مثل موقف الباصات وفيه باصات رايحه للجنه وباصات رايحه للنار !!! .... المهم الجماعه ينادون بالاسامي ..

فلان بن فلانه باص النار .... فلان بن فلانه باص الجنه .. وهكذا فلان بن فلانه ....هه هذا اسمي ... وقلبي يدق و يدق... رووح باص الجنه ..... اووووووووووووه الحمد لله ارتحت ومشيت ادور على الباص اللي مكتوب عليه الى الجنه .... وحصلته ودخلت فيه .... مشينا بالباص وبعد فترة جاتنا لوحه مكتوب

عليها (الجنه 50 كيلوا) (النار 100 كيلوا ) وهذا وحنا مع اللوحات .. والله ونتعدى الجنه ... قلت يمكن السواق يعرف مكان لباب ثاني .... شوي وشفت النار

15 كيلوا ... وبعد شوي النار 10 كيلوا ... وكل شوي نقرب من النار .... يا رجال