المقدم: سيد القلاف قال احنا جمعنا مادة او قال اللي عنده مادة او شيء يعطينا اياها.

الشيخ عثمان الخميس: والله خله يجمع وان لقى شيء ووجدت انا نفسي مخطيء فيه انا مستعد اتراجع، لكن انا اقول له اتعب عارف شلون؟

المقدم: ايه.

الشيخ عثمان الخميس: ما راح تحصل شي لانه انا اعرف ويش قاعد اقول، هو مصيبة الكذاب ان ينسى كذبته انا مو كذاب فما راح انسى شيء لانه ما عندي كذب اصلاً، فخليه يدور ما راح يلقى شيء لان هذه عقيدة .. هذا منهج .. انا ماشي على منهج، ما عندي دين مخبى على قولتهم، دين واضح .. منهج واضح .. طريقة واضحة.

شوف مرة لقاني واحد شيعي .. جاني وحضر عندي دروس وقال انا صرت سني وبحضر عندك. قلت: حياك الله. قال: ابي جلساتك الخاصة. قلت له: ما عندي جلسات خاصة. قال: ابي اقابلك بكل شيء. قلت: حياك الله هذا جدول الدروس في المسجد وتعال احضر. قال: حتى بدروسك اللي بره. قلت له: اذا صار عندي درس بره اقول اعلان فيه عندي درس بره في اليوم الفلاني اللي يبي يحظر يجي يحضر .. المهم قعد معي عشر ايام طلع شيعي يكذب.

المقدم: بس بشوف شو عندك.