المقدم: مثل منو المشايخ اول شيء؟

الشيخ عثمان الخميس: الشيخ ابن عثيمين رحمه الله تعالى .. الشيخ ابن باز رحمه الله تعالى .. الشيخ ناصر الحميد .. الشيخ ابراهيم اللاحم الشيخ حمود العقلة رحمه الله تعالى .. وغيرهم مشايخ كثير، يعني ما تعلمنا هذا الامر بالعكس تعلمنا الوضوح .. يعني انا من الطرائف يعني احياناً اكون في ديوانية والا مجلس والا كذا يقول واحد دير بالك ترى فيه شيعة، اقول واذا شيعة لا تعلمني يا اخي ما عندي شيء اخفيه، والله الذي لا اله الا هو وما اقولها خوفا ولا شيء اكون صريح معاك ما عندي شيء اخفيه الا اقوله فيه شيعة فيه سنة ما فرقت معي، لانه اولا ما عندنا اشياء سرية .. ما عندنا شيء نخفيه .. ما عندنا شيء تحت الطاولة .. ما عندنا جلسات خاصة ابداً الحمد لله كله بالعلن.

شوف استاذي انا الحين عندي اكثر من 1500 يوتيوب.

المقدم: فيديو في اليوتيوب.

الشيخ عثمان الخميس: فيديو في اليوتيوب شوفهم يعني اللي يخش ما يقدر يخش كل هذول، خلهم يطلعولي واحد اني تكلمت عليهم والا كفرت!! لكن ادعوهم .. اناصحهم .. اذكرهم .. ابين الاخطاء انا اقول نعم والحين اقولها وبستمر، انا نصوح ابيلهم الخير، لكن قضية تكفير وتطنز ما عندي هالاشياء هذه كلها يعني وضوح والكتب موجودة والاشرطة موجودة.