يا عيش بلا ملح يا ريته كان بخ فيه تعبان •••
زرعت حب الوداد في الأرض واتعشمت
وقلت دا يطلع واكايد بو الأعادي الشمت
أتاري الأرض فيه داء ساعة الكيل يخس النص
والحق عندي انا اللي شبت ما تعلمت
وفي المأثورتين التاليتين يتضح مدى تأثير العامل الاقتصادي الطبقي حتى في علاقات الحب والعشق والجنس، كاحتياج بيولوجي لمن بيده المال والريالات.
أنا ف إيدي منديل احمر وبلح احمر
واللي معاه مال من صنف الجنيه لحمر
يبات يقلب في شفايف شبه العسل لحمر •••
أنا ف إيدي منديل ابيض وريال ابيض
واللي معاه مال من صنف الريال لبيض
يبات يقلب في شفايف شبه العسل لبيض
فاتوك
فاتوك يا قلبي رفقاتك آهم فاتوك
وجابوك في أيام العنعنة
66
والدندنة وفاتوك
لو كنت تعلم يا قلبي جمعة حبوك
ما كنت مشيت معهم
اللي أنت شاري يا قلبي
وهمه في الأصول باعوك
بخاطرهم
فاتوك يا قلبي رفقاتك بخاطرهم
سمعوا كلام مغمضة غير بخاطرهم
سايق عليك النبي يا قلبي
إذا كنت حابب دول ورايدهم
متبقاش تدور على الأسية اللي جرت منهم
ولا حتى تكسر يوم بخاطرهم
يا قلبي
يا قلبي جريك على أحبابك يستألوبك
67
وان اتبهت عليهم بالقوي لازم يستألوبك
أنا معي جرح من جوا الحشا وتقيل
عشان ما قلت إني أحبك واريدك تعمل عليا تقيل
يا قلبي لما ابتليت بالغرام خليك زي الجمال
راسخ وتقيل
تبقى انت زي التمر بعد الزاد يحلو بك
يجد فراق
أنا مكنشي عشمي يا زمن إن بعد اللمة يجد فراق
ويحمل الركب ويسيبني وانا مشتاق
وان طال غياب الحبايب عليا لاكتبه في أوراق
أنا معي جرح من جوا الحشا نادي
نهار أشوف الحبايب يبقى نهار نادي
وان جا حبيبي بلغت القصد ومرادي
وان جا عزولي لقوللو روح يا فاضي
تبقى عزولي وتعمل بيناتنا قاضي
مثل سمعناه من اللي قبلنا قالوه:
الحلو بعد الحبايب مر لم ينداق
بهدال
ياللي كتبت الألف اكتبلي حداك به دال
بدي أنول مقصدي بس الزمان بهدال
والوقت كياد على أسد الرجال بهدال
يا حلو نانا الجفا شمت فيا الناس
وطبيب لجراح مضيعني منيش كالناس
أصل اشتباكي بهم شربت من اللي أريده الكاس
ومثل سمعناه قالوه كبار الناس:
وصبح أوحش الناس في ولاد الكرام بهدال •••
ياللعجب على عدرة جميلة شدت للرحيل هجنين
68
الوجه زي القمر وراسمه ع النهود هجنين
وقت أشوفها عقلي الذكي يذهب وأصير هجنين
أنا قلت يا بنتي أنا قاصد معاك مشوار
وأسن سيفي على رقاب العدا مشوار
وشربت كاس الصفا من إيد الحبيب مش مر
وانا لسيب لك السرع حتى تنظري خلك
وجرح العليل ما بقى يطيب إلا إن نظر خلاي
وان هون الله عليا لاسقي الأعادي خلي
وازمزم الكاس وازعق ما بين العرب:
خلاي
سمعت الكلام البنية وكربلت
69
معناه
وقلبها رق بالوصال علشان خاطر الجميل معناه
مكتوب رأيناه على صدر الجميل هجنين
نبقالي ونبقاله
زرعت للحب نبقالي ونبقاله
وشرطت ع الحب يبقالي ويبقاله
شوف صجرة الحب طرحت كل شين
70
قاله
وانا صجرتي ما طرحت ولا عنقود
الله يجازي قليل الأصل بافعاله
أصل اشتباكي
أصل اشتباكي مع المحبوب الطبع كان غالب
واللي بنى أساس المحبة خلاه عريض من تلتميت قالب
وكل قالب عليه دولاب ولوالب
وكل لولب لويم الحبيب جاذب
ياما مجاريح عاشوا العمل مطلوش
ماتوا بنار المحبة والحيا غالب
يا بنت
يا بنت كشمير حزامك غلب الحباك
ضحكت ولعبت وقالت والنبي حباك
محلاك يا حلو ساعة تطل من الشباك
تلقى الغلابة قاعدين صفين
منهم بسنار ومنهم من رمى الأشباك
إمبارح العصر
إمبارح العصر قابلتني ع الفساقي بنت
مالت عليا وانا المتيم عليها ملت
يا ريتها ما مالت!
وادتني بوسة من شفايفها
أكنها عسل وسكرت
دول جابوا المحاوير يا ابني
وكووني أنا والبنت
لا البنت قرت
71
وأنا بين النهود ما بنت
ولا بتوفيش
كام آه وكام ليه وكام طيب وكام مفيش
وكام يا حلو توعدني ولا بتوفيش
تعالى اعمل مداوي وانا اعمل حجتي التشويش
72
وابويا «الملك» يطلعك عندي