جانب كبير من الحرية، يعني يكفيها اللقاء هذا، لله الحمد والمنة الكويت تعودنا فيها نتكلم على راحتنا ونقول على راحتنا اهم شيء شنو؟ فيه حدود، فيه خطوط حمراء خلنا نقول

المقدم مقاطعاً: وفيه قانون

الشيخ عثمان الخميس مواصلاً حديثه: الانسان ما يتجاوزها وفيه قانون فلذلك من فضل الله سبحانه وتعالى اني انا ما اهتم حق اللي يتكلمون وانا اقولها امامك الان منك لهم محللين.

المقدم: كل اللي كتب عنك وكل اللي قل قال؟

الشيخ عثمان الخميس: كلي اللي كتبوا واللي تكلموا واللي قدامي واللي في ظهري زين؟

المقدم: ما ترفع عليهم قضايا؟

الشيخ عثمان الخميس: ابداً لا قضايا ولا حتى عند الله سبحانه وتعالى، محللين .. واقول لهم انا راح استمر على طريقتي وراح ادعوا الى الله تبارك وتعالى .. كتبتوا او ما كتبتوا .. رديتوا او سبيتوا كيفكم .. بس انا راح استمر على هذه الطريقة والدعوة الى الله تبارك وتعالى بالحسنى " ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ .... (125) " سورة النحل، انا ماشي على هالطريقة " قُلْ هَذِهِ سَبِيلِي أَدْعُو إِلَى اللّهِ عَلَى بَصِيرَةٍ أَنَا وَمَنِ اتَّبَعَنِي ... (108) "سورة يوسف، انا مستمر على هالطريقة هذه، فالقلاف وغيره عندهم شيء خلهم يطلعونه والمحاكم موجودة، خليه يروح يشتكي انا الحمد لله