فبنلاقي ضمير المتكلم: (أعطينا)، وهنلاقي ضمير المخاطب في: (الكاف) من كلمة (أعطيناك)، وفي (ربك)، و (شانئك)، بيكون الضمير المخاطب صريح. وفي (صلِّ)، و (انحر) ضمير المخاطب مقدّر تقديره أنت.

وكمان بنلاقي ضمير الغائب في: (هو الأبتر) هو ضمير صريح عن الغائب، وفي كلمة (شانئك) هنلاقي برضو ضمير مقدر عن الغائب.

كمان ضيف عليها إن الضماير باعتبار محلها من الإعراب ثلاثة أقسام: إما ضمير في محل رفع أو في محل نصب أو في محل جر.

الضمير في محل الرفع هنلاقيه في كلمة: (أعطيناك)؛ لأن الضمير الأول فيها اللي هو ضمير الفاعل مرفوع.

الضمير اللي في محل نصب هنلاقي (أعطيناك) الضمير التاني فيها مفعول به منصوب.

كذلك كمان هتلاقي الضمير في محل جر كلمة: (ربك) الكاف فيها مضاف إليه مجرور.