ومش عارف كام كوكب شبه الأرض؛ القضية أعقد من كدا بكتير وفي الغالب هذه الكواكب مش محققة أقل عناصر تسمح بنشأة الحياة عليها لكن السطحية حلوة مفيش كلام يعني.

• [The Privileged Planet – How Our Place In The Cosmos Is Designed For Discovery]: الكتاب دا من أهم ما يمكن لازم يتقرأ, بيتكلم في نقطتين: إن نشأة الحياة على الأرض دي مسألة أكيد مش صدفة؛ محتاج حاجات كتير جدًا جدًا تكون مضبوطة على مستويات كتيرة وبأعداد كبيرة, والضبط يكون دقيق جدًا ومش بس كدا -إن الكوكب مش بس مضبوط لنشأة الحياة- دا مضبوط بحيث إن ممكن إنسان ينشأ عليه ومن خلال نشأة الإنسان على الأرض يستطيع الإنسان أن يكتشف الكون -لا إله إلا الله-, الفكرة هي إن القرآن بيقول إن الإنسان قادر على إنه يكتشف الكون اللي حواليه والله عز وجل يقول: ﴿قُلْ سِيرُوا فِي الْأَرْضِ فَانظُرُوا كَيْفَ بَدَأَ الْخَلْقَ﴾ [العنكبوت:20] , وبنقدر نشوف النجوم اللي حوالينا والكواكب والمجرات وهكذا وبنقدر نكتشف علميًا قد ايه الكون مضبوط ضبط دقيق لنشأة الحياة على الأرض, ايه اللي سمحلنا بإمكانية الاكتشاف مش بس نشأة الحياة؛ لكن كمان إمكانية الاكتشاف وكأن الإله يريد منا إن احنا نكتشف الكون عشان نرى علامات الإحكام والإتقان في الكون ﴿مَّا تَرَى فِي خَلْقِ الرَّحْمَنِ مِن تَفَاوُتٍ فَارْجِعِ الْبَصَرَ هَلْ تَرَى مِن فُطُورٍ, ثُمَّ ارْجِعِ الْبَصَرَ كَرَّتَيْنِ يَنقَلِبْ إِلَيْكَ الْبَصَرُ خَاسِأً وَهُوَ حَسِيرٌ﴾ [تبارك:3 - 4]. قدرتنا, هل ترى قدرتنا على الرؤية دي من الله عز وجل: ﴿سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ﴾ [فصلت:53] قدرتنا على رؤية الآفاق, الكتاب دا مبهر مبهر مبهر. عشان كدا أنا بقول الإلحاد جواب كسول جدًا؛ جواب كسول كسول أنت ما بذلت أقل مجهود في إنك تشوف العلم اكتشف ايه ولا العلم وصل لـ ايه وعلى أساس هذه الاكتشافات تقول يبقى فعلًا دا يكون نتاج إله أحكم وضبط وأتقن وإلا عشوائية وفوضى.

• [Why The Universe Is The Way It Is] لـ هيوروس: من ضمن الحاجات اللى هو بيتناقش فيها ليه الكون كبير أوي كدا؟ , شوف لما هو بيقولك ايه: "قلة علمك بحجم الكون مخلياك تصدق إن